Cöllnisches Stadtbuch

Einführung Digitalisate Beschreibung der Quellen Benutzungshinweise

Digitalisate: von 48 |

| Download | Print | Textanmerkungen▾ | Sachanmerkungen▾

Cöllnisches Stadtbuch (Signatur A Rep. 510 Nr. 1), Folio 2 verso

[Fortsetzung / Beginn des Verzeichnisses der Abgaben]

odder Sunder Stunden alle nye ghekoren werden, unde weten enkeyne
wyze noch regirunge, wu men desser stad gelt ynnemen odder uth-
geven schal. Wen na den bukeren unnd registren muͤten sy sich richten
der hyr up dessen huͤze genuͤch ys | Dy denne eyn deyls olt synt vor
desser stede eynunge geschreven. Eyn deyls registra synt hir ok dy
geschreven sint dy wile dy stede eӱnweren, unde nu desse registra na

der voranderunghe | dy synt nu mennigerleye unde desser stad dӱnk
ys byster unde sweͤrliken dar na uth thru richtene, Beyde deme Schri-
vere unde den Radmannen. Nu umme vormydinghe sulker bysterheit
unde errunghe So ys In dessen buͤke dy regirunge desser stad met In-
nement und uthgevent der tinsze unde renthe umme desser stad beste
unde bequemeste wille uth velen Registren thusamenne gesucht | dat

me denne klerliken stukczwӱse eyn na deme anderen sich vorvolgende
hir Inne vindet beschreven | dar men sich hir namals meͤr schal na
weten thu Richtenne Unnd dat dy Jenne, dy am rade ghekoren unde
dar thu gesettet werden allent dat sy In dessen buke geschreven vinden
dat lutkeste med den grotsten Stede unde vaste holden unde vor
desser stad rechticheit med machte vordeduͤnghen

SEquitur de censibus casarum Stubarum et curie fartoris

Nu vort Irͤste Schaltu weten, dat dy Rad van Colen heth In thu nemen
den tinsz van allen buden dy thu desser Stad gehoren, unde wat
eyne Islike bude unde stofe etc. alle verndel yares vortӱnszet, dat steӱt
hir Stuckczwise na eyn ander hen geschreven.