Cöllnisches Stadtbuch

Einführung Digitalisate Beschreibung der Quellen Benutzungshinweise

Digitalisate: von 48 |

| Download | Print | Textanmerkungen▾ | Sachanmerkungen▾

Cöllnisches Stadtbuch (Signatur A Rep. 510 Nr. 1), Folio 24 verso ^aa. Bei Ohm Fol. 25 R

[Der Rat zu Cölln verkauft dem Cöllner Bürger Claus Porgen und seiner Ehefrau
Elisabet Bäume für die Herstellung von Bienenstöcken (Honigbeuten)]

Wie radmanne olt und nye der stad Colen dy Nu radlude syn unde nogh tukomende
syn in deme rade, Bekennen und Betugen openbar vor uns und unse Nakome-
linge des selven rades und vor alle dyͤ yene dyͤ dessen Bryff syn edder horen lesen,
dat wy med gantczen eyndrachtigen rade und med guden willen recht unde
redeliken vorkofft hebben unde vorkopen med Crafft desses Bryfes deme
Ersamen claus porgenne unsen medeborger und syner Eliken frowen Elisabet

unde orer Beyder rechten erven druddehalff schok unschedeliker Bohme tu
honnigh Buten, dyͤ sal he holden ane sageblocke unde tymmer up unser heiden
unde dar tu plock unde spunt holt, also vele alse he dar tu redeliken
Bederff, dyͤ Buten dar mede tu holdene, vor teyn schok guder Bemesger
grosgen, dyͤ wy hebben gekeret in unser stad nud unde fromen | unde dar tu dy
vorbenomenden claus porgen unde syne rechte erven, dyͤ scholen der stad yerliker
rente gheven up sunte Borgardus dag druddehalve mandel guder Behmesger

gewonliker grosgen. Weret ouk, dat claus porgen edder syne rechte erven wolden
vorkopen dy vorbenomende druddehalf schok unschedeliker Bohme, So
scholen sy dyͤ vorlaten unde entfangen vor deme rade unde V schillingk pennin-
ge geven up tu nemede alse recht is unde redelike. Weret ouk, dat dar
enghe Buten vorghingen, dar scholen wӱ unde willen em andere unschedelike

Bohme vorgeven unde dy olden Bohme scholen Blyven unde fallen weder
an der Nud ¹1. Offenbar fehlt ein Wort, und es sollte heißen: der Stadt Nud …. (so auch Clauswitz, Stadtbuch Cölln, S. 69 Anm. 3) unde fo fromen. Ouk weret sake, dat sӱ dyͤ eynen anderen wolden
vorkopen, denne scholen wy unde willen alsodanne Bryff dar over gheven,
alse wy em dar over gegheven hebben, dat wy ~~alse vorgescreven~~ desse vor
gescreven stucken stede unde gantcz holden willen ane allerleye geverde. Des tu

orkunde hebbe wy unse grote Ingesegel med rechter Wytschapp laten hangen an
dessen Bryff, Na Cristi unses heren gebord drutteyn hundert yar in deme Negen
unde negenttischtesten yar an sunte Johannes Baptisten dag des hilgen
dopers Cristi.^bb. 24. Juni 1399 (Clauswitz, Stadtbuch Cölln, S. 69, Anm.2) Amen.

[darunter mit dunklerer Tinte die Zeichnung eines Gesichts im Profil]²2. Ohm erkennt „offenbar Konterfei der schreibenden Hand!“. Verdächtig ist aber auch der Autor einer der Schreibübungen auf Fol. 16 verso und 18 verso.