Cöllnisches Stadtbuch

Einführung Digitalisate Beschreibung der Quellen Benutzungshinweise

Digitalisate: von 48 |

| Download | Print | Textanmerkungen▾ | Sachanmerkungen▾

Cöllnisches Stadtbuch (Signatur A Rep. 510 Nr. 1), Folio 8 verso

[Abgaben der Leineweber und von Bierkellern, der städtischen Heide,
den beiden Stadtgräben und der Stadtwaage]

Item ¹1. Von späterer Hand eingefügte Passage die linenweffer disser
Statt Collenn wer ohr
Innige Wynnen will,
der Sall gelick anderenn
werckenn unnd Innigenn
vor dat werck to wynnenn
gevenn XV groschen actum Im
ccccc ²2. 1595, nach Ohm (Clauswitz). Wohl eher zu lesen als ccccº [also 1495]. und fiffundnegentigesten
Jare.

De Cellario cervisie

[D]u schalt weten dat desser stat
kelrelouͤwe geft deme rade sulken
tinsz. Des zomers geft he van ey-
nen Jeweliken verndel byres III groschen
unde geyt an thu paschen unde
wart wenthe thu Sunte michils dage.
Wes he bynnen der tyt vorschenket
dar van geft he van eynen Jeweliken
verndel III groschen Ever van Sunte
michils dage an I wenthe upp paschen,
So geft he van eynen Jeweliken vern-
del nicht wen II groschen umme deswyllen
dat he sich denne selven med furwer-
ke besorgen muͤt.

De merica civitatis

[D]y yenne dy dy heyde thu sich
mydet unde heth ynne syne
honnichbuten, dy geft deme rade alle
yar dar van up Sunte borchardus
daghe thu tinsze XXV solidi penninge,
unde wenne he den tinsz bringhet
So geft em dy rad IIII denarios weder thu
drankghelde. Unde wanne dat
me sy upnempt, zo wert deme
rade dar van VII½ groschen unnd dem
Schrivere III denarios

De ambobus fossatis

[D]y yenne dy desser Stad grafen
mydet unde ghebruket sich der
med vischerien dy geft deme rade
alle yar up Walburgis dar van
thu tinsze I schock unde XXXVI
groschen.

[D]Er grafen ys twe, alze negst
der stad muͤren unde by dy arke
dy by der arken dy nederste | dy
geft thu synen deyle thu tynsze
I schock unde XVIII groschen Ever dy
ander grafe negst der muren geft
nicht wan XVIII groschen thu tinsze, dat
ys In eyn Sampt I schok unde
XXXVI groschen.

Ad acceptandum illas aquas

An den nedersten grafen by dy
arke nempt dy rad wen he vor
lathen unnd upghenomen werd VII½
groschen unnd dy Schriver III denarios
Wen van den anderen grafen negst
der Stad muren nempt dy rad wen
he vorlathen werd II½ solidi denarios unnd
deme Schrivere ok III denarios

De libra Civitatis

An der waghe geft dy yenne,
dy sy der Stad afemydet up Wal-
burgis eyn halff Schok unde upp
martini eyn halff Schok odder up
walburgis geft he it altu male.