Cöllnisches Stadtbuch (Signatur A Rep. 510 Nr. 1), Folio 7 recto
[Abgaben der Bäcker in Berlin sowie der Kürschner,
Tuchmacher und Schuster in beiden Städten]
|
[S]Equitur de censu pistorum
in Berlin morantium.
[D]y Beckere van Berlin geven
deme rade van Colen alle vern-
del yares eyn Islich von vele
der is In eyn Sampt VII solidos
pennighe. So geft dy rad den
meysteren wen sy den tinsz bringen
thu drankghelde yo up eyner Isli-
ken tyt weder VI denarios dat syn des
yares III groschen.
[S]Equitur de censu pellificum
ambarum Civitatum.
[D]y Korsener van beyden steden
geven deme rade van Colen des
yares twye tinsz alze up Walbur-
gis unde Martini, yo up eyne Is-
like tyt XVIII groschen, dat synt
des yares XXXVI groschen, unde
dy rad geft em up eyne Islike
tynsze tyt weder eynen groschen,
dat synt II groschen
unnd
[…] wy
ore Innunghe wynneth, dy gefft
deme rade XV groschen unnde deme schrivere
III denarios, is he eyn borger. Sunder is
he nicht eyn borger, so schal de
wynnen dy borgerschap dar tho |
[S]Equitur de censu pannicidarum
ambarum civitatum.
[N]u Schaltu weten dat dy want
snyͤdere van beyden steden geven des
yares twye deme rade can Colen tinsz
alze up Walburgis
unde Martini,
unde eyn
Isliker geft yo up eyne Jewelike
tyt III groschen unde den tinsz nempt
men up desse Colensche yarmarkt
van eynen isliken VI groschen umme desz
willen, dat sy denne ghemeynlich
med oren ghewande hir im Cophuze
Stan.
[S]Equitur de censu Sutorum
ambarum Civitatum.
[D]y Schuͤmekere van beyden ste
den, dy hir des fridages Im Schu-
huze stan unde lathen ore kavelen
uthgan alle verndel yares, dy geven
alle verndel yares tinsz eyn Isliker
yo XII denarios unde den tinsz plecht men
van en thu nemen In dat schuͤhuͤsz,
wen menen umme verndel Stedegelt
gheit. So bringhet me dat Stede-
ghelt med dessen tinsze In eyner summa.
|
Seite
| Download
| Print |
Textanmerkungen▾ |
Sachanmerkungen▾