Cöllnisches Stadtbuch

Einführung Digitalisate Beschreibung der Quellen Benutzungshinweise

Digitalisate: von 48 |

| Download | Print | Textanmerkungen▾ | Sachanmerkungen▾

Cöllnisches Stadtbuch (Signatur A Rep. 510 Nr. 1), Folio 6 verso

[Abgaben der Tuchmacher, Eid der Tuchmesser]

[D]y wantmekere von Colen dy
tinszen des yares twye, Alze up
Sunte wal burghen daghe unde upp
Sunte mertens daghe. Unde up eyne
Jewelik tyt gefft eyn Islich want
meker VI pennighe thu tinsze. So
hebben sy dry meystere dy heyten
dy telre, dy sint fryͤ unde geven

enkeynen tinsz. Van den tinsze heth
dy heyderider, desser Stad dyner
yo up eyne Jewelik tyt, wen sy tin
szen XVIII denarios, dat ys thusammene
IIII groschen unde IIII penninghe. Unde
den meysteren geft men up eyner Jewe
liken ok weder VI penninghe thu
drankgelde, dat ys in eyn sampt
XII denarios des yares.

[D]y wantmekere hebben desse wyͤse,
dat dy yenne dy dar brokaftich wer-
den In oreme werke, Sulk broke-
ghelt dat sy van den entphangen,
dat geven sy dy helfft deme rade.
Unde eyn Sodant ys ghefulbort
und gheheyten In der Stad buͤck

thu vorthekenne van Claus otten
unde Bartholomeo vischer, dy Im
yare So men schreͤff Na godes boͤrt
XIIII^c yaͤr unde Im XXVIII yare des
Sunnavendes vor misericordia domini ^aa. 17. April 1428 meystere
Im wercke weren unde daͤr umme vor
deme weren ghegͤan.

[D]at synt dry dy heyten dy
mensuratores, proprie dy telre.
In der wantmeker werck wen
dy daͤrthu ghekoren werden
van oren medewerckgnoten So
muten sy komen vor deme ¹1. Am Rand von gleicher Hand ergänzt "rade" unde
duͤn eyn Sodan Jurament.

Iuramentum Mensuratorum

[T]hu deme Ambachte dar Ik
thu ghekoren bin, dar wil Ik
recht an duͤn den armen alze
den Ryken, unde wyl des nicht
lathen dorch gift noch dorch
gave wylle, dorch frund noch
dorch magheschapp wille, dat
my got helpe unde syne hiligen