Logo des Landesarchives

Cöllnisches Stadtbuch

Einführung Digitalisate Beschreibung der Quellen Benutzungshinweise
von 48  |  Previous Page Seite   |  Download  | Print |  Textanmerkungen▾ |  Sachanmerkungen▾ 

Cöllnisches Stadtbuch (Signatur A Rep. 510 Nr. 1), Folio 5 recto

[Abgaben beim Verkauf von Buden und Badestuben, des Wursthofs und von
Acker- und Gartenland]

Hyr by dessen vorgheschreven
Buden tinsz Schaltu wethen
dy wyse wu men dat holden
Schal med den yennen | dy dy
Buden vorkopen odder kopen.

Dy Jenne dy eyne bude
mank dessen vorgheschreven
thu sich kopt | dy schal sy vor
deme Rade upnemen unde ent
phaͤn unde Schal deme rade
dar van geven XII penninghe
unde deme Schrivere vor dy bude
thu thuschriven III penninghe.
Ever dy Ienne dy sy em heth
Vorkoft | dy en geft deme rade
nochte deme schrivere nicht, wen
dat he dy bude vorleth unde
upgeft | den he sy vorkoft heth.

Item So en schal enkeyne
van dessen vorgheschreven bu
den vor deme Rade vorlathen
noch upghenomen werden It
Sy denne dat dy vorsethen
tinsze gancz affgheleghert synt.


Sequitur Iam de
acceptatione Stubarum

Wu men dy Stofen Schal
upnemen etc.

Wy der Stoͤfen eyn kopt | dy schal
sy vor deme rade van den yennen
dar he sy van ghekoft heth upnemen
unde emphan | unde schal deme rade
dar van gehen V solidos penninge | unde
deme Schrivere III denarios thu thuschrivere.
Sust geft dy med nichte nicht dy
sy vorkoft heth, wen alleyne dat
he sy vorleth und upgeft.

Sequitur de acceptatione
curie fartoris

WEn dy worsthoff vorkofft werdt,
So schal he vor deme rade vorlathen
unde upgenommen werden Alzo dat
dy koper unde dy vorkoper eyn Is
liker van den beyden | deme rade daͤr
van schal geven V solidos denarios und eyͤn
Isliker deme schrivere VI denarios.

Sequitur de acceptione mansorum
hortorum pratorum 11. Von anderer (späterer) Hand untergeschrieben: pratorum et cavularum etc.

Item Van eyner hufen up thu nemen
geft dy yenne dy sy ghekoft heth deme
rade VIII denarios unde deme Schrivere III denarios.

Alle dy yenne dy dar garden, wezen,
cavelandt acker Rugghen odder geren
hebben odder sust ander landt dar dy
rad tinsz afe nemmpt, unde vorkopen
der ennich | dy en geven deme rade odder
deme Schrivere nicht, wen dy yenne dy
der ennich kopen | Dy geven deme rade
dar van alzo vele upthunemen alze dy
garde odder garde odder weze, welker
sy denne upnemen, thu tinsze geft odder

Bestandssuche     Benutzungshinweise     Impressum     Erklärung zum Datenschutz     Public Domain Mark 1.0 (Zitierweise: Landesarchiv Berlin, A Rep. 510 Nr. 1)