Cöllnisches Stadtbuch

Einführung Digitalisate Beschreibung der Quellen Benutzungshinweise

Digitalisate: von 48 |

| Download | Print | Textanmerkungen▾ | Sachanmerkungen▾

Cöllnisches Stadtbuch (Signatur A Rep. 510 Nr. 1), Folio 11 recto

[Ausgabenverzeichnis der Stadt Cölln]

[D]Eme pramfurer heth men
van older gegeven I½ schok un-
de II groschen grufegelt Vor
eynen pram vull tigelerde thu
halende Wen nuͤ geft me
em van eynem pramen II schok
unde III groschen unde dat ys kort
lich upp ghekomen.

[D]Eme oversten pramfurre
geft me vor eynen pram vul
kalk steyn thu halende Sesz
Schillingk groschen

[D]Eme selven geft me ok vor
eyne reyse holt thu halende
thu den kalk over XX groschen

Precium Lapidarii

[D]y tigheler heth van eynen
yeweliken duzende tigelsteyn
ghebrant XII groschen.
[V]or eynen oven vul ghebran-
des tigels uth thu karrende
heth he XVIII groschen.
[V]or eynen oven Vull Kalk
steyn thu bernende geft men
Iii schock

[V]or eynen ouen Vull ghe-
branden Kalk steyn uth thu
karrende geft men I schok
Unde eyne tunne conventes.

[V]An der weͤze thu meghenn ach-
ter dy tigelschune geft men IX groschen
cum potu

[D]En beyden underkosteren geft
men alle verndel yare III groschen

[D]Eme henghere geft men XVIII
penninghe wen he eynen Stuͤpet.

[D]Eme kulebodele geft men wen
he den Borgheren vorkuͤndighet,
water vor dy doren thu settende
VIII denarios

[I]tem deme kuherden, deme sweyn-
re, wen sy weder gheannamet
werden thu oren dinsten So geft
men eynen Jeweliken eynen groschen