Cöllnisches Stadtbuch

Einführung Digitalisate Beschreibung der Quellen Benutzungshinweise

Digitalisate: von 48 |

| Download | Print | Textanmerkungen▾ | Sachanmerkungen▾

Cöllnisches Stadtbuch (Signatur A Rep. 510 Nr. 1), Folio 10 verso

[Ausgabenverzeichnis der Stadt Cölln]

Infra scripta sunt exponenda per
dominos quolibet anno ex parte civita-
tis Colen.

[D]yt ys dat Register der uͤth
gift dat yar over anlanghende
desser stad Colen Am Irsten

[D]Eme Stadschrivere unde Schu-
lemeystere geft men alle yar van
dessen Rathuze upp ostern 1 Schock.
So hebben desser steͤde Schrivere
alle yar viff mandel groschen
von deme Schote up it huͤsz tus-
chen beyde stede dy deylen Sy
ghelike In twen parten.

So heth ok desse Schriver desser
Stad alle verndel yare van deme
oversten kostere thu Sunte peters
XVIII schillingh penninghe.

[E]yne ClosterJunckfrouwe thu
Juterbuck heth alle yar thu oren
live upp osteren eyn schok. Und
dat selve Schok geft men uth
upp dy Langhe brugghe van bey-
der Stede Schote unde ghelde gehe-
like anderen Renten unde tinsze.

[D]Er Elenden kalandt | heth
alle yar up ostern eyne tunne
heringhes, dy Schal men ok
betalen vam Schote up dy lan-
ghe bruͤgghe thu eyner Spende.

[D]Eme stadknechte an deme tel-
toeschen dore geft men des yares
upp ostern eyn Schok.

[D]Eme Stadknechte dy dar
heyderider ys, deme geft men
alle verndel yares XV groschen
dat ys des yars eyn Schok

[D]yselve Knecht heth ok vefte
halven groschen lederpenninghe
van den wantmekern alze vor-
hen geschreven Steyt

[D]y Stadknecht unde dyner
an deme kopenickschen dore dy
heth thu lone van deme rade
thu colen Van eynen Jeweliken
wispel kalks utgemeten unde
gheluschet III penninghe.