Cöllnisches Stadtbuch

Einführung Digitalisate Beschreibung der Quellen Benutzungshinweise

Digitalisate: von 48 |

| Download | Print | Textanmerkungen▾ | Sachanmerkungen▾

Cöllnisches Stadtbuch (Signatur A Rep. 510 Nr. 1), Folio 8 recto

[Abgaben für Fischverkäufer, Makler, Weinschenker]

Item ¹1. links daneben stark verblasster zweizeiliger Randvermerk, unleserlich des fridaghes vor deme
Sundaghe Invocavit So nempt
men van eynen ydermanne dy up
den vischmarkt herinck zelt |
und thu kope heth II denarios

Dy mekeler geft des verndel
yares van den vischriten deme
rade thu Colen XV solidos denarios odder
geft Sunder Stunden I ½ schok thu
eynen male up ostern. So geven sy
em weder thu drankghelde II groschen

De Cellario vini

Dӱ wynschenke dy dar wont
In dessen kelre desser Stad dy
geft dar van tinsze des yares
eyn Schok odder alle verndel
yares XV groschen wuͤ en dat aller
beqwemest ys

Van ²2. links Doppelanstreichung mit Bleistift den vinschenken

Alle dy yenne dy winschenken In ³3. Randvermerk, sehr verblasst: NB (nota bene)
desse Stat Colen dy Scholen Irsten
vor deme rade komen unde lathen
den probiren und zetten.

Dy yenne dy eyghen ghewassen ⁴4. Randvermerk, zweizeilig, stark verblasst und unleserlich
win Schenken willen dy en dorven
enkeyne rechticheit deme rade dar
van geven noch med gelde noch met
apoteke etc.

Sust geven dy Winschenken van ⁵5. Randvermerk, zweizeilig, stark verblasst und unleserlich
allerleye wyͤne odder můste dy
Buten ghewassen ys, deme rade sul-
ke nagheschreven rechticheit.
It sy eyn fuder wyns It sy eyn
halff fuder, Eyn ferndel odder eyne
tunna, van eynen jeweliken geft he
nicht mer deme rade wen eyn quar-
tyr winsz unde eyne busse med czuc-
ker uth der apoteken unde deme Schri- ⁶6. Randvermerk, vierzeilig, stark verblasst und unleserlich
vere van eynen jeweliken vate eyn
oczel winsz unde Sunte gertruden eyn
halff verndel wasses van Isliken
vate thu Seghelwassze.

Ever sy muͤten geven zetteghelt ⁷7. Randvermerk, stark verblasst und unleserlich
Van eynen ganczen fudere winsz XXII groschen
Van eynen halven fudere winsz XI groschen
Van eynen verndel winsz Sestehalven groschen
Van eyner tunne wynesz XXII penninghe

Schenkede ok ymant weͤlsz wyn odder ⁸8. rechts stark verblasster unleserlicher Randvermerk
Ryvol etc. In laghen odder amen, dy
mach men Reͤken na tunnen tal

Reͤnszkz wyn III emmere maken
twe tunnen, Seͤsz emmeren vir tunnen
unde zo vordan dat merke even.